29. september 2022
29. september 2022
Vegna umfjöllunar um Heilsuveru
Vegna fréttar í Fréttablaðinu í dag vill embætti landlæknis koma því á framfæri að embættið gerir sér fulla grein fyrir því að fyrirspurnir úr Heilsuveru valdi læknum á heilsugæslustöðvum miklu álagi.
![](https://images.ctfassets.net/8k0h54kbe6bj/30gJRJab1dCduDFlnUZvTC/d785bca9c41af1c63b96240d7bf4ce92/Lit_ISL_ENG_Stort.jpg?w=50&fm=webp&q=80)
![Landlæknir logo - Fréttamyndir](https://images.ctfassets.net/8k0h54kbe6bj/30gJRJab1dCduDFlnUZvTC/d785bca9c41af1c63b96240d7bf4ce92/Lit_ISL_ENG_Stort.jpg?w=774&fm=webp&q=80)
Vegna fréttar í Fréttablaðinu í dag vill embætti landlæknis koma því á framfæri að embættið gerir sér fulla grein fyrir því að fyrirspurnir úr Heilsuveru eru að valda læknum á heilsugæslustöðvum miklu álagi.
Vegna þessa hafa ýmsar breytingar verið gerðar á ferli fyrirspurna og er sú vinna enn í gangi. Í heimsfaraldri COVID-19 var almenningi ráðlagt að mæta ekki á heilsugæslustöðvar og bent á að hafa samband í netspjalli eða með því að senda fyrirspurnir úr Heilsuveru. Fór þá stór hluti vinnutíma lækna í að svara fyrirspurnum en eftir að starfsemi heilsugæslustöðva fór í fullan gang hefur fjöldi fyrirspurna ekki minnkað og álag þar með aukist.
Það er hins vegar trú embættisins að rafræn samskipti við almenning geti í framtíðinni létt undir með heimilislæknum og öðrum sem veita heilbrigðisþjónustu.
Nánari upplýsingar veitir:
Kjartan Hreinn Njálsson, aðstoðarmaður landlæknis
kjartanh@landlaeknir.is