Opnað hefur verið fyrir umsóknir um styrki í Nordplus 2027

Hægt er að sækja um styrki innan allra undiráætlana Nordplus:

• Nordplus Junior

• Nordplus fullorðinsfræðsla

• Nordplus háskólastig

• Nordplus Horizontal

• Nordplus norræn tungumál

Einnig er hægt að sækja um styrki fyrir undirbúningsheimsóknir vegna verkefna innan Nordplus Junior, Nordplus fullorðinsfræðslu og Nordplus norrænna tungumála.

Nordplus styður samstarf, hreyfanleika og þróunarverkefni á sviði menntunar á Norðurlöndum og í Eystrasaltsríkjunum. Áætlunin veitir stofnunum og samtökum fjölbreytt tækifæri til að byggja upp alþjóðlegt samstarf, miðla þekkingu og reynslu og þróa ný verkefni þvert á landamæri.

Til að aðstoða væntanlega umsækjendur býður Nordplus upp á rafrænan upplýsingafund, Nordplus Café, þann 5. nóvember kl. 12:00-13:30 að íslenskum tíma. Þar verður farið yfir helstu styrkjamöguleika og umsóknarferlið auk þess sem þátttakendum gefst kostur á að bera fram spurningar.

Nánari upplýsingar um styrkjamöguleika, umsóknarskilyrði og umsóknarferlið má finna á vef Nordplus.