Opnað hefur verið fyrir umsóknir um leyfi til álaveiða til eigin neyslu

Allar álaveiðar eru óheimilar í sjó, ám og vötnum á Íslandi samkvæmt reglugerð um bann við álaveiðum nema að fengnu sérstöku leyfi frá Fiskistofu til álaveiða til eigin neyslu.

Skilyrði

• Fiskistofa getur veitt leyfi til takmarkaðra veiða á áli til eigin neyslu þar sem veiðar hafa verið eða verða stundaðar sem búsílag.

• Í umsóknum skal koma fram á hvaða landsvæði áformað er að veiða, hvaða veiðarfæri verði notuð og það magn sem sótt er um leyfi til að veiða.

• Með umsóknum skulu fylgja upplýsingar um veiði umsækjanda síðustu 5 árin.

• Leyfi eru bundin því skilyrði að allur afli sé skráður og að Fiskistofu verði sendar árlega skýrslur um sókn og afla.

• Öll sala og markaðsfærsla á íslenskum ál og álaafurðum er bönnuð.

• Skila skal umsóknum til fiskistofa@fiskistofa.is

Eftir skoðun á umsóknum og að fenginni umsögn um þær frá Hafrannsóknastofnu verða gefin út leyfi til álaveiði til eigin neyslu þar sem fram koma skilyrði fyrir veiðunum í samræmi við ofangreinda reglugerð.