Opnað fyrir umsóknir um Nordplus styrki 2. nóvember 2026

Um Nordplus

Nordplus er stærsta menntaáætlun Norrænu ráðherranefndarinnar og hvetur skóla, stofnanir og samtök á sviði menntunar og þjálfunar til að sækja um styrki fyrir alþjóðlegt samstarf, starfsmanna- og nemendaskipti, sameiginleg verkefni og samstarfsnet milli menntastofnana í Danmörku, Eistlandi, Færeyjum, Finnlandi, Grænlandi, Íslandi, Lettlandi, Litháen, Noregi, Svíþjóð og á Álandseyjum.

Hægt verður að sækja um styrki innan eftirfarandi Nordplus áætlana:

• Nordplus Junior: Styrkir fyrir grunn- og framhaldsskóla og leikskóla

• Nordplus fullorðinsfræðsla: Styrkir fyrir fullorðinsfræðslu

• Nordplus háskólastig: Styrkir fyrir háskólastig

• Nordplus Horizontal: Þverfagleg verkefni og samstarfsnet

• Nordplus norræn tungumál: Verkefni sem efla norræn tungumál

Einnig verður hægt að sækja um styrki fyrir undirbúningsheimsóknir vegna verkefna innan Nordplus Junior, Nordplus fullorðinsfræðslu og Nordplus norrænna tungumála.

Nordplus Café 5. nóvember

Nordplus býður áhugasömum að taka þátt í rafrænum upplýsingafundi, Nordplus Café, þann 5. nóvember kl. 12:00-13:30 að íslenskum tíma. Þar gefst tækifæri til að kynna sér samstarfs- og styrkjamöguleika innan áætlunarinnar. Nordplus-kaffið fer fram á ensku. Skráningu þarf að ljúka eigi síðar en 4. nóvember og fer fram á vef Nordplus.

Nánari upplýsingar um umsóknarferlið og styrkjamöguleika má finna á vef Nordplus.