Öndunarfærasýkingar. Vika 50 árið 2022

Í samantekt um viku 50 er farið nánar yfir síðastliðna viku.

Sóttvarnir draga úr líkum á að smitast og að smita aðra. Við viljum minna alla á að:

• Fylgja tilmælum um bólusetningu.

• Halda sig til hlés í veikindum.

• Forðast umgengi við ung börn og aðra viðkvæma ef með einkenni.

• Hylja nef og munn við hósta og hnerra.

• Sinna handhreinsun.

• Nota grímu við ákveðnar aðstæður eins og á heilbrigðisstofnunum þ.m.t. biðstofum.

• Lofta út.

• Forðast fjölmenni og halda fjarlægð eins og hægt er.

Mælt er með inflúensubólusetningu og COVID-19 örvunarbólusetningu fyrir:

• Alla einstaklinga 60 ára og eldri.

• Börn og fullorðna sem þjást af langvinnum hjarta-, lungna-, nýrna- og lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum.

• Barnshafandi konur (bólusetningu fyrir inflúensu má gera á öllum þriðjungum meðgöngu en fyrir COVID-19 á öðrum og þriðja þriðjungi).

• Heilbrigðisstarfsmenn sem annast einstaklinga sem taldir eru upp hér að ofan.

Sjá nánar um COVID-19 bólusetningar hér þ.m.t. tilmæli um örvunarbólusetningu á 4ja mánaða fresti fyrir alla 60 ára og eldri, og börn og fullorðna með langvinna sjúkdóma.

Sóttvarnalæknir