3. ágúst 2022
3. ágúst 2022
Hætta á heilsutjóni vegna loftmengunar í nágrenni eldstöðva
Eldgos er hafið að nýju á Reykjanesi í vestanverðum Merardölum (innan Fagradalsfjallakerfisins).
![](https://images.ctfassets.net/8k0h54kbe6bj/6Gx1nMX7cosPuiXhLTv0Mm/a32d3b0231852531e72f88293dd0c849/Eldgos_mynd____banner.jpg?w=50&fm=webp&q=80)
![Eldgos](https://images.ctfassets.net/8k0h54kbe6bj/6Gx1nMX7cosPuiXhLTv0Mm/a32d3b0231852531e72f88293dd0c849/Eldgos_mynd____banner.jpg?w=774&fm=webp&q=80)
Eldgos er hafið að nýju á Reykjanesi í vestanverðum Merardölum (innan Fagradalsfjallakerfisins). Hraun og gas kemur út um 300 m langa sprungu en engin aska greinist í andrúmsloftinu. Grófar áætlanir benda til þess að gasmökkurinn nái á milli 500 m og 1 km hæð. Áhrif á flugumferð eru talin óveruleg. Almannavarnir hafa gefið út að innviðir virðast ekki í hættu en fólk er beðið um að halda sig frá svæðinu og huga að mögulegri gasmengun.
Sóttvarnalæknir vill vekja athygli á fræðslubæklingi fyrir almenning varðandi hættu á heilsutjóni vegna loftmengunar í nágrenni eldstöðva. Þessi bæklingur var unnin í sameiningu af ýmsum stofnunum og félagasamtökum. Í bæklingnum eru hugsanleg áhrif loftmengunar á heilsufar manna útskýrðar og þar má finna upplýsingar um hvernig helst má verja sig gegn loftmengun vegna eldgosa.
Frekari leiðbeiningar og hlekkir á ýmsar upplýsingar eru á vef embættis landlæknis.
Sóttvarnalæknir