Evrópuverkefni um landsgátt og rafræna miðlun lykil heilbrigðisupplýsinga yfir landamæri

Markmið verkefnisins er að stuðla að betri og öruggari heilbrigðisþjónustu innan Evrópu. Með verkefninu verður brotið blað í heilbrigðisþjónustu yfir landamæri, þar sem hægt verður að deila lykilupplýsingum úr sjúkraskrá einstaklings til heilbrigðisstarfsmanna sem þurfa að sinna viðkomandi í öðru landi en heimalandi. Slíkur öruggur aðgangur heilbrigðisstarfsmanna að heilsufarsupplýsingum sinna sjúklinga hvenær sem þörf er á, stuðlar að samfellu í þjónustu sem aftur eykur öryggi og gæði í meðferð sjúklinga yfir landamæri.

Munu einstaklingarnir sjálfir geta heimilað heilbrigðisstarfsmönnum viðkomandi lands aðgang að sinni sjúkraskrá í gegnum Heilsuveru.

Vinna við verkefnið er á undirbúningsstigi, en um er að ræða 3ja ára verkefni sem lýkur haustið 2025. Það er svið miðstöðvar rafrænna heilbrigðislausna hjá embætti landlæknis sem stýrir verkefninu og hefur einnig yfirumsjón með rafrænni sjúkraskrá á landsvísu. Innleiðing verkefnisins er mikilvæg viðbót við þær rafrænu heilbrigðislausnir sem þegar eru til staðar, en mikil uppbygging hefur átt sér stað undanfarin ár meðal annars með samtengingu sjúkraskráa á landsvísu, rafrænum lyfjaávísunum og aðgangi að Heilsuveru.

Styrkupphæðin nemur 1,8 milljón evrum og er eins og áður sagði veitt vegna Evrópuverkefnisins MyHealth@EU eHealth Digital Service Infrastructure (eHDSI).
Útboð mun fara fram varðandi þróun og innleiðingu verkefnisins.

Nánari upplýsingar veitir 

Kjartan Hreinn Njálsson,
aðstoðarmaður landlæknis.
kjartanh@landlaeknir.is