20. mars 2025
20. mars 2025
Alþjóðlegi hamingjudagurinn 2025 – Kærleikur og samkennd: Mikilvægi félagslegra tengsla fyrir hamingju og velsæld
Halla Tómasdóttir, forseti Íslands, veitir viðtöku fyrsta spilastokknum sem tileinkaður er Riddurum kærleikans og Minningarsjóði Bryndísar Klöru á málþingi á Alþjóðlega hamingjudeginum sem haldið er í Hátíðarsal Háskóla Íslands kl. 13:00 í dag, fimmtudaginn 20. mars, undir yfirskriftinni Kærleikur og samkennd – mikilvægi félagslegra tengsla fyrir hamingju og velsæld.
Á málþinginu verður farið yfir hvar Ísland er á listanum yfir hamingjusömustu þjóðir heims. Einnig munu forseti Íslands, Halla Tómasdóttir og Dóra Guðrún Guðmundsdóttir, sviðsstjóri lýðheilsu hjá embætti landlæknis, eiga samtal um hamingju, samkennd og Riddara kærleikans. Þar að auki verða kynntar nýjar niðurstöður um líðan, tengsl og öryggi barna eftir fjárhagsstöðu. Við heyrum frá fulltrúa unga fólksins og lærum um félagslega töfra. Edda Björgvinsdóttir mun leiða hamingjudans og Eggert Benedikt Guðmundsson, leiðtogi Sjálfbærs Íslands, mætir með gítarinn og spilar undir fjöldasöng. Þá verða pallborðsumræður um karlmennsku og kærleik sem Dóra Guðrún Guðmundsdóttir stýrir.
Fundarstjóri er Elín Hirst.
Embætti landlæknis skipuleggur málþingið í samvinnu við Endurmenntun Háskóla Íslands og eru öll velkomin á meðan að húsrúm leyfir. Einnig verður beint streymi frá málþinginu.
Dagskrá
13:00 Opnunarávarp – María Heimisdóttir, landlæknir
13:10 Arinspjall með forseta Íslands, Höllu Tómasdóttur og Dóru Guðrúnu Guðmundsdóttur um hamingju, samkennd og Riddara kærleikans.
13:40 Jöfnuður til farsældar: Líðan, tengsl og öryggi barna eftir fjárhagsstöðu, Sigrún Daníelsdóttir, verkefnastjóri geðræktar hjá embætti landlæknis
13:55 Auðmýkri, opnari og mildari, Hera Fönn Lárusdóttir, nemandi við Grunnskólann í Hveragerði
14:10 Hamingjudans leiddur af Eddu Björgvinsdóttur
14:30 Hamingjustund – tengsl - ávextir og kaffi
15:00 Félagslegir töfrar – Viðar Halldórsson, prófessor í félagsfræði við Háskóla Íslands
15:20 Pallborðsumræður: Karlmennska og kærleikur. Ásmundur Einar Daðason, fyrrum mennta- og barnamálaráðherra, Eggert Benedikt Guðmundsson, leiðtogi sjálfbærs Íslands hjá forsætisráðuneytinu, Viðar Halldórsson, prófessor í félagsfræði við Háskóla Íslands og Kári Einarsson, forseti Nemendafélags Verslunarskóla Íslands.
15:50 Fjöldasöngur – Gítar: Eggert Benedikt Guðmundsson leiðir
Frekari upplýsingar
Elín Hirst, 899-9350
Margrét Jóhannsdóttir, 696-1330