Ársskýrsla fæðingaskrár aðgengileg á vef landlæknis

Ársskýrsla fæðingaskráar, sem gefin hefur verið út frá árinu 1995, verður framvegis einnig aðgengileg á vef embættis landlæknis. Landlæknir er ábyrgðaraðili fæðingarskrár sem hefur verið haldin á kvennasviði Landspítala-háskólasjúkrahúss síðan 1972. Fram að þeim tíma voru allar fæðingatilkynningar sendar landlækni.

Skráð eru ýmis atriði er varða meðgöngu, fæðingu, vandamál í fæðingu, inngrip og fætt barn. Skráð er m.a. fæðingarstaður og stund, meðgöngulengd, fyrri fæðingar, afbrigði fæðingar, meðferð í fæðingu, þyngd og lengd barna og sjúkdómsgreiningar.Við hverja fæðingu er fyllt út eyðublað og upplýsingar sendar fæðingaskrá og þjóðskrá. Eldri skýrslur eru hægt að nálgast á vef Landspítalans.

Sjá nýja skýrslu fæðingaskráningar 2018 

Embætti landlæknis fæðingatölfræði.

Nánar um fæðingarskrá

Nánari upplýsingar veitir

Védís Helga Eiríksdóttir, verkefnisstjóri á heilbrigðisupplýsingasviði, vedis@landlaeknir.is