Starfsfólk í afleysingar í aðhlynningu (tímavinna) - HSN Blönduós

Heilbrigðisstofnun Norðurlands (HSN) á Blönduósi óskar eftir jákvæðu, ábyrgðarfullu og þjónustulunduðu starfsfólki til starfa við aðhlynningu í afleysingum (tímavinna). Starfið felst í almennri aðhlynningu og umönnun skjólstæðinga í samstarfi við annað heilbrigðisstarfsfólk.

Æskilegt er að viðkomandi geti hafið störf sem fyrst, en formleg aðlögun afleysingarstarfsmanna mun hefjast í desember.

Hér má sjá upplýsingar um HSN á Blönduósi: Fjölbreytt starfsemi og hlýtt starfsumhverfi

Hér má sjá upplýsingar um HSN í hnotskurn fyrir allar starfsstöðvar

Ekki hika við að hafa samband fyrir frekari upplýsingar um starfið.

• Leysa af í fjarveru annars starfsfólks

• Umönnun einstaklinga í samvinnu við fagaðila

• Þátttaka í teymisvinnu

• Stuðla að vellíðan, öryggi og virðingu skjólstæðinga

• Frágangur, þrif og önnur tilfallandi verkefni sem tengjast daglegum rekstri deildarinnar

• Önnur tilfallandi verkefni

• Áhugi á að starfa með fólki

• Reynsla af umönnun er kostur

• Rík þjónustulund, jákvætt viðmót og mjög góð samskiptahæfni

• Áreiðanleiki og sveigjanleiki

• Góð íslenskukunnátta

• Frumkvæði og sjálfstæði í vinnubrögðum

• Hreint sakavottorð og gott orðspor

Laun eru samkvæmt gildandi kjarasamningi sem fjármála- og efnahagsráðherra og Stéttarfélagið Samstaða hafa gert.

Með umsókn skal fylgja náms- og starfsferilskrá ásamt kynningarbréfi á íslensku.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.