Hjúkrunarfræðingur HSN Dalvík-Fjallabyggð

Heilbrigðisstofnun Norðurlands (HSN) Dalvík-Fjallabyggð óskar eftir að ráða metnaðarfullan og jákvæðan hjúkrunarfræðing til starfa. Um er að ræða 60% starf við heilsugæsluna á Dalvík með megináherslu á skólahjúkrun og lífsstílsmóttöku.

Starfið býður upp á fjölbreytt verkefni og tækifæri til starfsþróunar í hlýlegu og uppbyggilegu umhverfi. Óskað er eftir því að viðkomandi geti hafið störf sem fyrst eða eftir samkomulagi.

HSN Dalvík-Fjallabyggð starfar á starfsstöðvum í Ólafsfirði, Siglufirði og Dalvík. Á starfsstöðunum starfar samhentur og öflugur hópur fagfólks sem leggur metnað sinn í að veita framúrskarandi heilbrigðisþjónustu. Við leggjum áherslu á vellíðan í vinnu, jákvætt starfsumhverfi og að vera fjölskylduvænn vinnustaður. Hér gefst tækifæri til að starfa í nánu og fjölskylduvænu samfélagi þar sem stutt er í fjölbreytta útivist og góð lífsgæði.

Hér má sjá upplýsingar um HSN í hnotskurn fyrir allar starfsstöðvar

• Heilsuvernd og heilsuefling barna og ungmenna í grunnskólum

• Reglubundnar heilsufarsskoðanir og skimun samvkæmt viðmiðum skólahjúkrunar

• Fræðsla til nemenda, foreldra og starfsfólk skóla um heilsutengd málefni

• Stuðningur, ráðgjöf og hjúkrunarmeðferð

• Þátttaka í teymisvinnu, umbótaverkefnum og að vinna að góðri liðsheild

• Samstarf við aðra faghópa innan stofnunarinnar

• Önnur tilfallandi verkefni skv. lögum og reglugerðum

• Fullgilt hjúkrunarpróf og íslenskt starfsleyfi

• Reynsla og/eða áhugi af heilsugæsluhjúkrun er kostur

• Áhugi á forvarnar- og heilsueflingarstarfi

• Frumkvæði og sjálfstæði í vinnubrögðum

• Skipulagshæfni og öguð vinnubrögð

• Frábær samskiptahæfni, jákvæðni og þjónustulund

• Sjálfstæði í starfi, lausnamiðuð hugsun og sveigjanleik

• Góð íslensku- og enskukunnátta

• Faglegur metnaður og lausnamiðun

• Gott orðspor, hreint sakavottorð og ökuleyfi

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af prófskírteinum og íslenskt starfsleyfi. Fyrir nema skal fylgja með staðfesting á námi.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - samvinna - virðing