Starfsfólk við aðhlynningu - HSN Fjallabyggð, Hornbrekka

Heilbrigðisstofnun Norðurlands (HSN) í Fjallabyggð óskar eftir starfsfólki í tímabundna afleysingu við aðhlynningu á Hornbrekku í Ólafsfirði. Mikilvægt að viðkomandi geti unnið vaktavinnu. Á Hornbrekku eru 22 hjúkrunarrými. Áhersla er lögð á að skapa heimilislegt og hlýlegt umhverfi þar sem íbúar njóta öruggrar og faglegrar umönnunar.

HSN Fjallabyggð starfar á starfsstöðvum í Ólafsfirði, Siglufirði og Dalvík. Á starfsstöðunum starfar samhentur og öflugur hópur fagfólks sem leggur metnað sinn í að veita framúrskarandi heilbrigðisþjónustu. Við leggjum áherslu á vellíðan í vinnu, jákvætt starfsumhverfi og að vera fjölskylduvænn vinnustaður. Hér gefst tækifæri til að starfa í nánu og fjölskylduvænu samfélagi þar sem stutt er í fjölbreytta útivist og góð lífsgæði.

Hér má sjá upplýsingar um HSN í hnotskurn fyrir allar starfsstöðvar.

• Almenn aðhlynningarstörf og stuðningur við íbúa í samstarfi við fagaðila

• Verkefni í býtibúri tengd undirbúningi og frágangi máltíða

• Þátttaka í teymisvinnu

• Frágangur, þrif og önnur tilfallandi verkefni sem tengjast daglegum rekstri deildarinnar

• Þvottur og skyld störf, móttaka og frágangur á þvotti

• Önnur tilfallandi verkefni

• Frábær samskiptahæfni, jákvæðni og sveigjanleiki

• Frumkvæði, sjálfstæði í vinnubrögðum og lausnamiðuð nálgun

• Þolinmæði og nærgætni

• Reynsla og/eða áhugi á teymisstarfi

• Góð íslenskukunnátta

• Hreint sakavottorð og gott orðspor

• Æskilegt er að viðkomandi hafi náð 18 ára aldri

Laun samkvæmt gildandi kjarasamningi sem fjármála- og efnahagsráðherra og Eining - Iðja hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.