Frágangur skjalasafna og stafræn endurgerð skjalasafna

Vegna aukinna sérverkefna óskar Þjóðskjalasafn Íslands eftir að ráða starfsfólk á skjalastjórnar- og skjalavörslusvið safnsins. Helstu verkefni eru við frágang og skráningu pappírsskjalasafna og við stafræna endurgerð. Um er að ræða tímabundin störf út árið 2027 með möguleika á framlengingu. Um 100% stöður er að ræða. Æskilegt er að viðkomandi geti hafið störf sem fyrst.

• Flokkun, frágangur og skráning pappírsskjalasafna í Þjóðskjalasafni Íslands

• Flutningur á skjalaöskjum og röðun í hillur

• Skönnun og ljósmyndun á skjölum úr safnkosti

• Háskólamenntun sem nýtist í starfi

• Menntun í skjalfræði er kostur

• Þekking og reynsla af skjalasöfnum er æskileg

• Góð kunnátta

  í algegnum notendaforritum nauðsynleg

• Góð íslenskukunnátta

• Kunnátta í ensku og einu Norðurlandamáli er kostur

• Mjög góð samstarfshæfni, jákvæðni og sveigjanleiki í samskiptum

• Skipulögð vinnubrögð, sjálfstæði, frumkvæði og rík þjónustulund

• Gott líkamlegt atgervi er mikilvægt þar sem burður á skjalaöskjum er hluti af starfinu

Þjóðskjalasafn Íslands er menningar- og stjórnsýslustofnun sem varðveitir heimildir um sögu þjóðarinnar og leiðir skjalavörslu og skjalastjórn hins opinbera. Um 50 manns starfa hjá Þjóðskjalasafni. Um þessar mundir standa yfir miklar breytingar í starfseminni og því um spennandi tækifæri að ræða fyrir kraftmikinn aðila. Nánari upplýsingar um starfsemina má finna á vefnum skjalasafn.is.

Umsókn óskast fyllt út á www.intellecta.is og þarf henni að fylgja starfsferilskrá og ítarlegt kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi fjármála- og efnahagsráðherra við viðkomandi stéttarfélag. Athygli er vakin á því að umsóknir gilda í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Þjóðskjalasafns Íslands við ráðningu í starfið.