Skimun fyrir leghálskrabbameini

Mismunandi forsendur eru fyrir því að einstaklingar gangast undir legnám og því þarf að fara yfir sögu leghálsskimana til að ákvarða eftirlit sem þarfnast innköllunar á vegum Samhæfingarstöðvar krabbameinsskimana.

• Einstaklingar sem fara í fullt legnám og eru ekki með sögu um frumubreytingar (CIN2, CIN3 eða AIS) eða HPV-smit fyrir aðgerð þurfa ekki eftirlit.

• Einstaklingar sem fara í fullt legnám vegna viðvarandi HPV-smits en hafa ekki greinst með frumubreytingar (CIN2, CIN3 eða AIS) í kvenlíffærum fyrir legnám og engar frumubreytingar sjást í leginu eftir aðgerðina, þurfa enga eftirfylgni eða skimun eftir legnám.

• Einstaklingar sem fara í fullt legnám vegna frumubreytinga eða greinast með frumubreytingar (CIN2, CIN3 eða AIS) í vefjasvari eftir legnámið er ráðlagt að fara í sýnatöku 12 mánuðum eftir aðgerð.