Skimun fyrir leghálskrabbameini

Skimun á meðgöngu

Ljósmóðir kannar skimunarsögu konu í fyrsta viðtali meðgöngu. Ef kona hefur ekki sinnt boði um skimun er ráðlagt að ljósmóðir taki leghálsýni samkvæmt skimunarleiðbeiningum eftir aldri eða vísi konu áfram til sýnatöku á heilsugæslu eða hjá kvensjúkdómalækni.

Konur með óeðlileg leghálssýni þar sem ábending er fyrir leghálsspeglun ættu að fá forgang í tíma til leghálsspeglunar en ákjósanlegur tími fyrir fyrstu leghálsspeglun í þungun er í viku 13-14

Ef kona fær boð um skimun á meðgöngu og hefur ekki verið í sérstöku eftirliti vegna forstigsbreytinga má fresta skimuninni þar til eftir fæðingu.

Eftirlit eftir fæðingu

Konum sem hafa þurft leghálsspeglun á meðgöngu skal fylgt eftir með leghálsspeglun eða keiluskurði 6-12 vikum eftir fæðingu.