Fara beint í efnið
Sýna breytingar
Næsta útgáfa

Prentað þann 28. mars 2024

Upprunaleg útgáfa reglugerðar gilti á tímabilinu 22. des. 2014 – 25. mars 2017 Sjá núgildandi

1151/2014

Reglugerð um umdæmi sýslumanna.

1. gr.

Landinu er skipt í níu umdæmi sýslumanna. Eiga sveitarfélög undir hvert þeirra, sem hér segir:

  1. Umdæmi sýslumannsins á höfuðborgarsvæðinu:
    Reykjavíkurborg, Seltjarnarnesbær, Mosfellsbær, Kjósarhreppur, Hafnarfjarðarkaupstaður, Garðabær og Kópavogsbær.
    Aðalskrifstofa: Höfuðborgarsvæðið.
    Sýsluskrifstofur og önnur útibú: Samkvæmt ákvörðun ráðherra hverju sinni eftir tillögu sýslumanns.
  2. Umdæmi sýslumannsins á Vesturlandi:
    Akraneskaupstaður, Hvalfjarðarsveit, Skorradalshreppur, Borgarbyggð, Snæfellsbær, Eyja- og Miklaholtshreppur, Grundarfjarðarbær, Helgafellssveit, Stykkishólmsbær og Dalabyggð.
    Aðalskrifstofa: Stykkishólmur.
    Sýsluskrifstofur: Akranes, Borgarnes.
    Önnur útibú: Ólafsvík, Búðardalur.
  3. Umdæmi sýslumannsins á Vestfjörðum:
    Reykhólahreppur, Vesturbyggð, Tálknafjarðarhreppur, Bolungarvíkurkaupstaður, Ísafjarðarbær, Súðavíkurhreppur, Árneshreppur, Kaldrananeshreppur og Strandabyggð.
    Aðalskrifstofa: Patreksfjörður.
    Sýsluskrifstofa: Ísafjörður.
    Önnur útibú: Bolungarvík, Hólmavík.
  4. Umdæmi sýslumannsins á Norðurlandi vestra:
    Húnaþing vestra, Húnavatnshreppur, Blönduósbær, Sveitarfélagið Skagaströnd, Skagabyggð, Sveitarfélagið Skagafjörður og Akrahreppur.
    Aðalskrifstofa: Blönduós.
    Sýsluskrifstofa: Sauðárkrókur.
  5. Umdæmi sýslumannsins á Norðurlandi eystra:
    Fjallabyggð, Dalvíkurbyggð, Hörgársveit, Akureyrarkaupstaður, Eyjafjarðarsveit, Svalbarðsstrandarhreppur, Grýtubakkahreppur, Þingeyjarsveit, Skútustaðahreppur, Norðurþing, Tjörneshreppur, Svalbarðshreppur og Langanesbyggð.
    Aðalskrifstofa: Húsavík.
    Sýsluskrifstofur: Akureyri, Siglufjörður.
    Annað útibú: Dalvík.
  6. Umdæmi sýslumannsins á Austurlandi:
    Vopnafjarðarhreppur, Fljótsdalshreppur, Fljótsdalshérað, Borgarfjarðarhreppur, Seyðisfjarðarkaupstaður, Fjarðabyggð, Breiðdalshreppur og Djúpavogshreppur.
    Aðalskrifstofa: Seyðisfjörður.
    Sýsluskrifstofur: Egilsstaðir, Eskifjörður.
    Annað útibú: Vopnafjörður.
  7. Umdæmi sýslumannsins á Suðurlandi:
    Sveitarfélagið Hornafjörður, Skaftárhreppur, Mýrdalshreppur, Rangárþing eystra, Rangárþing ytra, Ásahreppur, Sveitarfélagið Árborg, Flóahreppur, Skeiða- og Gnúpverjahreppur, Hrunamannahreppur, Bláskógabyggð, Grímsnes- og Grafningshreppur, Hveragerðisbær og Sveitarfélagið Ölfus.
    Aðalskrifstofa: Selfoss.
    Sýsluskrifstofa: Höfn.
    Önnur útibú: Hvolsvöllur, Vík.
  8. Umdæmi sýslumannsins í Vestmannaeyjum:
    Vestmannaeyjabær.
    Aðalskrifstofa: Vestmannaeyjabær.
  9. Umdæmi sýslumannsins á Suðurnesjum:
    Grindavíkurbær, Sandgerðisbær, Sveitarfélagið Garður, Reykjanesbær og Sveitarfélagið Vogar.
    Aðalskrifstofa: Reykjanesbær.
    Annað útibú: Grindavík.

2. gr.

Ef mörk milli umdæma sýslumanna eru óskýr, svo sem á hálendinu, ákveður ráðherra í hvaða umdæmi mál komi til úrlausnar.

Á sama hátt ákveður ráðherra í hvaða umdæmi mál komi til úrlausnar ef það getur af einhverjum ástæðum átt undir fleiri en einn sýslumann.

3. gr.

Á aðalskrifstofu sýslumanns og öðrum sýsluskrifstofum er veitt öll sú þjónusta sem sýslumönnum ber að veita samkvæmt lögum, reglugerðum og öðrum stjórnvaldsfyrirmælum.

Í útibúum er veitt þjónusta á tilteknum tímum eftir því sem sýslumaður ákveður.

4. gr.

Reglugerð þessi, sem sett er samkvæmt heimild í 2. og 9. gr. laga nr. 50/2014 um framkvæmdarvald og stjórnsýslu ríkisins í héraði, öðlast gildi 1. janúar 2015. Fellur þá úr gildi reglugerð nr. 66/2007 um stjórnsýsluumdæmi sýslumanna og lögregluumdæmi lögreglustjóra, með áorðnum breytingum.

Innanríkisráðuneytinu, 19. desember 2014.

Ólöf Nordal.

Ragnhildur Hjaltadóttir.

Fyrirvari

Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.

Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.