Reglugerð um breytingu á reglugerð um gjöld fyrir skoðun, skráningu, mælingu skipa o.fl., nr. 587/2002.

1. gr.

Á eftir V. kafla reglugerðarinnar kemur nýr kafli, VI. kafli, svohljóðandi:

VI. KAFLI

Gjöld skv. lögum um lögskráningu sjómanna, nr. 43/1987, með síðari breytingum.
14. gr.

Fyrir veittan frest til þess að gangast undir öryggisfræðslunámskeið hjá Slysavarnaskóla sjómanna eða öðrum viðurkenndum aðila skal greiða kr. 2.000.

2. gr.

Reglugerð þessi, sem sett er samkvæmt 1. gr. laga nr. 12/2002 um breytingu á lögum um lögskráningu sjómanna nr. 43/1987, með síðari breytingum, staðfestist hér með til að öðlast þegar gildi og birtist til eftirbreytni öllum þeim sem hlut eiga að máli.

Samgönguráðuneytinu, 29. ágúst 2002.

Sturla Böðvarsson.

Ragnhildur Hjaltadóttir.