Reglugerð um stjórn veiða á djúpsjávartegundum á samningssvæði Norðaustur-Atlantshafsfiskveiðinefndarinnar (NEAFC).

1. gr.

Reglugerð þessi tekur til veiða íslenskra skipa á djúpsjávartegundum á samningssvæði Norðaustur-Atlantshafsfiskveiðinefndarinnar (NEAFC) utan lögsögu ríkja.

2. gr.

Íslenskum fiskiskipum er óheimilt að stunda veiðar skv. 1. gr. án sérstaks leyfis Fiskistofu.

Fiskiskip skulu með sérstakri tilkynningu til sameiginlegrar eftirlitsstöðvar Landhelgisgæslu Íslands og Fiskistofu, hér eftir nefnd Eftirlitsstöðin, með 24 tíma fyrirvara tilkynna þegar veiðar skv. veiðileyfi eru hafnar og tilkynna innan 12 tíma hvenær þeim lýkur. Eftirlitsstöðin telur saman sóknardaga íslenskra skipa. Samanlagður fjöldi sóknardaga íslenskra skipa á hverju almanaksári er 29 og skal Fiskistofa afturkalla öll útgefin leyfi skv. 1. mgr. þegar þeim fjölda sóknardaga er náð.

3. gr.

Við veiðar skv. 1. gr. skulu fiskiskip búin fjarskiptabúnaði sem sendir upplýsingar með sjálfvirkum hætti til Eftirlitsstöðvarinnar, um staðsetningu skipsins á klukkustundar fresti.

Óheimilt er að halda úr höfn til veiða fyrr en starfsmenn Eftirlitsstöðvarinnar hafa staðfest til skipstjóra að eftirlitsbúnaðurinn starfi eðlilega.

Ef eftirlitsbúnaðurinn bilar, skal gert við hann við komu í næstu höfn. Þar til búnaðinum verður komið í lag, skal senda á annan hátt upplýsingar um staðsetningu skipsins á 6 klukkustunda fresti til Eftirlitsstöðvarinnar.

4. gr.

Íslenskum skipum, sem ekki hafa fengið leyfi til veiða skv. 1. mgr. 2. gr., er óheimilt, á samningssvæði NEAFC utan lögsögu ríkja, að veiða eftirtaldar djúpsjávartegundir:

1. Gjölnir	Alepocehalus bairdii	Baird's smooth head
2. Gjölnisætt	Alepocephalus rostratus	Risso's smooth head
3. Fjólumóri	Antimora rostrata	Blue antimora (Blue hake)
4. Stinglax	Aphanopus carbo	Black scabbard fish
5. Mattaháfur (Gíslaháfur o.fl.)	Apristuris spp.	Iceland catshark
6. Gulllax/Stóri gulllax	Argentina silus	Greater silver smelt
7. Serkur (Rauðserkur/Fagurserkur)	Beryx spp.	Alfonsinos
8. Keila	Brosme brosme	Tusk
9. Kornháfur	Centrophorus granulosus	Gulper shark
10. Rauðháfur	Centrophorus squamosus	Leafscale gulper shark
11. Svartháfur	Centroscyllium fabricii	Black dogfish
12. Gljáháfur	Centroscymnus coelolepis	Portuguese dogfish
13. Þorsteinsháfur	Centroscymnus crepidater	Longnose velvet dogfish
14. Tröllakrabbi	Chacon (Geyron) affinis	Deep-water red crab
15. Geirnyt	Chimaera monstrosa	Rabbit fish (Rattail)
16. Kragaháfur	Chlamydoselachus anguineus	Frilled shark
17. Hafáll	Conger conger	Conger eel
18. Slétti langhali	Coryphaenoides rupestris	Roundnose grenadier
19. Skarðaháfur	Dalatias licha	Kitefin shark
20. Flatnefur	Deania calcea	Birdbeak dogfish
21. Glyrnir	Epigonus telescopus	Black (Deep-water) cardinal fish
22. Dökkháfur	Etmopterus princeps	Greater lantern shark
23. Loðháfur	Etmopterus spinax	Velvet belly
24. Hringaháfur	Galeus melastomus	Blackmouth dogfish
25. Jensensháfur	Galeus murinus	Mouse catshark
26. Svartgóma	Helicolenus dactylopterus	Bluemouth (Blue mouth redfish)
27. Brandháfur	Hexanchus griseus	Bluntnose six-gilled shark
28. Búrfiskur	Hoplostethus atlanticus	Orange roughy
29. Búrfiskbróðir	Hoplostethus mediterraneus	Silver roughy (Pink)
30. Digurnefur	Hydrolagus mirabilis	Large-eyed rabbit fish (Ratfish)
31. Marbendill/Atlants-marbendill	Lepidopus caudatus	Silver scabbard fish (Cutless fish)
32. Dílamjóri	Lycodesesmarkii	Eelpout
33. Snarphali	Marcrourus berglax	Roughhead grenadier (Rough rattail)
34. Blálanga	Molva dypterigia	Blueling
35. Langa	Molva molva	Ling
36. Móra	Mora moro	Common mora
37. Kýrháfur	Oxynotus paradoxus	Sailfin roughshark (Sharpback shark)
38. Kólguflekkur	Pagellus bogaraveo	Red (blackspot) seabream
39. Litla brosma	Phycis spp.	Forkbeards
40. Blákarpi	Polyprion americanus	Wreckfish
41. Skjótta skata	Raja hyperborean	Arctic skate
42. Pólskata	Rajafyllae	Round skate
43. Þrændaskata	Rajanidarosiensus	Norwegian skate
44. Grálúða	Rheinhardtius hippoglossoides	Greenland halibut
45. Trjónufiskur	Rhinochimaera atlantica	Straightnose rabbitfish
46. Ekki til íslenskt heiti, en náskyld tegund er Færeyjaháfur	Scymnodon ringens	Knifetooth dogfish
47. Litli karfi	Sebastes viviparus	Small redfish (Norway haddock)
48. Hákarl	Somniosus microcephalus	Greenland shark
49. Miðjarðarhafskarfi	Trachyscorpia cristulata	Spiny (Deep-sea) Scorpionfish

Öllum íslenskum skipum er óheimilt, á samningssvæði NEAFC utan lögsögu ríkja, að veiða eftirtaldar djúpsjávartegundir:

1. Mattaháfur (Gíslaháfur o.fl.)	Apristuris spp.	Iceland catshark
2. Kornháfur	Centrophorus granulosus	Gulper shark
3. Rauðháfur	Centrophorus squamosus	Leafscale gulper shark
4. Svartháfur	Centroscyllium fabricii	Black dogfish
5. Gljáháfur	Centroscymnus coelolepis	Portuguese dogfish
6. Þorsteinsháfur	Centroscymnus crepidater	Longnose velvet dogfish
7. Kragaháfur	Chlamydoselachus anguineus	Frilled shark
8. Skarðaháfur	Dalatias licha	Kitefin shark
9. Flatnefur	Deania calcea	Birdbeak dogfish
10. Dökkháfur	Etmopterus princeps	Greater lantern shark
11. Loðháfur	Etmopterus spinax	Velvet belly
12. Hringaháfur	Galeus melastomus	Blackmouth dogfish
13. Jensensháfur	Galeus murinus	Mouse catshark
14. Brandháfur	Hexanchus griseus	Bluntnose six-gilled shark
15. Kýrháfur	Oxynotus paradoxus	Sailfin roughshark (Sharpback shark)
16. Ekki til íslenskt heiti, en náskyld tegund er Færeyjaháfur	Scymnodon ringens	Knifetooth dogfish
17. Hákarl	Somniosus microcephalus	Greenland shark
18. Búrfiskur	Hoplostethus atlanticus	Orange roughy
19. Beinhákarl	Cetorhinus maximus	Basking shark
20. Hámeri	Lamna nasus	Porbeagle
21. Háfur	Squalus acanthias	Spurdog

5. gr.

Frá 15. febrúar til 15. apríl eru allar veiðar óheimilar á Franshól, sem afmarkast af eftirfarandi hnitum:

1. 60°58'76 N - 27°27'32 V
2. 60°56'02 N - 27°31'16 V
3. 60°59'76 N - 27°43'48 V
4. 61°03'00 N - 27°39'41 V

6. gr.

Netaveiðar eru óheimilar á meira dýpi en 200 metrar.

7. gr.

Fiskiskipum sem hafa leyfi skv. 1. mgr. 2. gr. og jafnframt leyfi til að stunda rækjuveiðar í Barentshafi (ICES svæði Ia), sbr. III. kafla reglugerðar um stjórn veiða á samningssvæði Norðaustur-Atlantshafsfiskveiðinefndarinnar (NEAFC) utan lögsögu ríkja, er heimilt að nota yfirpoka á seiðaskilju við rækjuveiðarnar.

8. gr.

Um tilkynningar gilda ákvæði reglugerðar nr. 1221/2008, með síðari breytingum, um veiðieftirlit á samningssvæði Norðaustur-Atlantshafsfiskveiðinefndarinnar (NEAFC).

9. gr.

Stundi skip veiðar skv. þessari reglugerð og almennar togveiðar í lögsögu Íslands í sömu veiðiferð skal halda afla sem þannig fæst aðgreindum frá öðrum afla um borð í veiðiskipi og skal hann veginn og skráður sérstaklega við löndun. Um vigtun afla fer eftir ákvæðum gildandi reglna um vigtun sjávarafla.

10. gr.

Brot á reglugerð þessari og ákvæðum leyfisbréfa gefnum út á grundvelli hennar, skulu varða viðurlögum samkvæmt lögum nr. 151, 27. desember 1996, um fiskveiðar utan lögsögu Íslands, með síðari breytingum, lögum nr. 116, 10. ágúst 2006, um stjórn fiskveiða, með síðari breytingum og lögum nr. 57, 3. júní 1996, um umgengni um nytjastofna sjávar, með síðari breytingum.

11. gr.

Reglugerð þessi er sett með heimild í lögum nr. 151/1996, um fiskveiðar utan lögsögu Íslands, lögum nr. 116/2006 og lögum nr. 57, 3. júní 1996, um umgengni um nytjastofna sjávar, með síðari breytingum, um stjórn fiskveiða, og öðlast þegar gildi.

Reglugerð þessi er sett til samræmis við skuldbindingar Íslands vegna aðildar að Norðaustur-Atlantshafsfiskveiðinefndinni (NEAFC).

Við gildistöku þessarar reglugerðar fellur úr gildi reglugerð nr. 471/2012 um (6.) breytingu á reglugerð nr. 1221/2008, um veiðieftirlit á samningssvæði NEAFC.

Atvinnuvega- og nýsköpunarráðuneytinu, 3. maí 2013.

F. h. r.

Ingvi Már Pálsson.

Kristján Freyr Helgason.