Prentað þann 1. sept. 2024
427/2022
Reglugerð um breytingu á reglugerð um fasteignalán til neytenda, nr. 270/2017.
1. gr.
Á eftir 1. gr. reglugerðarinnar kemur ný grein, 1. gr. a., ásamt fyrirsögn, svohljóðandi:
Innleiðing reglugerða.
Framseld reglugerð framkvæmdastjórnarinnar (ESB) nr. 1125/2014 frá 19. september 2014 um viðbætur við tilskipun Evrópuþingsins og ráðsins 2014/17/ESB að því er varðar tæknilega eftirlitsstaðla um lágmarksfjárhæð starfsábyrgðartryggingar eða sambærilegrar tryggingar sem lánamiðlarar skulu hafa sem tekin var upp í EES-samninginn með ákvörðun sameiginlegu EES-nefndarinnar nr. 130/2019, frá 8. maí 2019, skal gilda hér á landi. Reglugerðin er birt í EES-viðbæti við Stjórnartíðindi Evrópusambandsins nr. 49 frá 20. júní 2019, bls. 125-126.
2. gr.
1. mgr. 9. gr. reglugerðarinnar orðast svo: Um lágmarksfjárhæð starfsábyrgðartryggingar lánamiðlara fer samkvæmt framseldri reglugerð framkvæmdastjórnarinnar (ESB) nr. 1125/2014, sbr. 1. gr. a.
3. gr.
Reglugerð þessi öðlast þegar gildi.
Fjármála- og efnahagsráðuneytinu, 28. mars 2022.
F. h. r.
Guðrún Þorleifsdóttir.
Guðmundur Kári Kárason.
Fyrirvari
Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.
Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.