Prentað þann 1. sept. 2024
375/1997
Reglugerð um breyting á reglugerð nr. 667/1995, um framtal og skil á virðisaukaskatti, með breytingu skv. reglugerð nr. 588/1996
1. gr.
Við 2. gr. reglugerðarinnar bætast tveir nýir málsliðir er orðast svo: Sama gildir um aðila sem hafa með höndum nytjaskógrækt, enda sé sala á skattskyldri vöru eða þjónustu lægri en 1.400.000 kr. á almanaksári. Fari sala aðila í nytjaskógrækt umfram þau mörk sem getið er skv. 1. málsl. skal hann á næsta gjalddaga almennra uppgjörstímabila, sbr. 1. gr., gera upp mismun þess útskatts og innskatts sem fallið hefur á sölu og kaup hans á viðkomandi uppgjörstímabili.
2. gr.
Við 2. mgr. 3. gr. bætist nýr töluliður er verður 6. tölul. er orðast svo: Umboðsmanna erlendra aðila skv. 6. tölul. 1. mgr. 3. gr. laga nr. 50/1988.
3. gr.
Reglugerð þessi, sem sett er samkvæmt heimild í 24. gr. laga nr. 50/1988, um virðisaukaskatt, með síðari breytingum, öðlast þegar gildi.
Fjármálaráðuneytinu, 20. júní 1997.
F. h. r.
Indriði H. Þorláksson.
Hermann Jónasson.
Fyrirvari
Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.
Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.