Prentað þann 1. sept. 2024
306/1994
Reglugerð um breyting á reglugerð um innskatt, nr. 192/1993, með síðari breytingum.
1. gr.
Við 3. gr. bætist ný mgr. er verður 2. mgr.:
Aðili sem rekur skattskylda gistiþjónustu hluta úr ári og fasteignaleigu hluta úr ári telst vera með blandaða starfsemi í skilningi 1. mgr., enda hafi hann með höndum sölu á skattskyldri gistiþjónustu í fimm mánuði á ári eða skemur.
2. gr.
Á eftir 9. gr. kemur ný grein er verður 9. gr. a., er orðast svo:
Aðilar sem kaupa notuð ökutæki til niðurrifs í atvinnuskyni af óskattskyldum aðilum geta reiknað sér innskatt sem nemur 19,68% af kaupverði ökutækisins þegar seljanda ber ekki að innheimta virðisaukaskatt af sölunni. Innkaupin skulu færð á sérstakan gjaldareikning í bókhaldi.
Í bókhaldi eða fylgigögnum þess skulu koma fram eftirfarandi upplýsingar:
1. Fast númer ökutækis, sbr. reglugerð um skráningu ökutækja, nr. 523/1988, með síðari breytingum.
2. Dagsetning viðskiptanna.
3. Lýsing á hinu keypta.
4. Kaupverð.
5. Nafn, heimilisfang og kennitala seljanda.
Sölureikning, kaupsamning og afsal skal varðveita sem og önnur bókhaldsgögn sem varða viðskiptin.
3. gr.
Í síðasta málslið 1. mgr. 13. gr. falla brott orðin "falla undir 1. tölul. 1. mgr. 12. gr. og".
4. gr.
Í 3. mgr. 13. gr. fellur brott: "skv. 1. tölul. 1. mgr. 12. gr.,".
5. gr.
Reglugerð þessi er sett með stoð í 2. mgr. 16. gr., sbr. 49. gr. laga nr. 50/1988, um virðisaukaskatt, með síðari breytingum, og öðlast þegar gildi.
Fjármálaráðuneytið, 6. júní 1994.
F. h. r.
Indriði H. Þorláksson.
Jón H. Steingrímsson.
Fyrirvari
Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.
Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.