Vandamál

Líkleg ástæða og lausn

iPad: Myndavél virkar ekki/svartur skjár við skönnun

Ástæða:
Nemandi valdi „Don't allow“/„Nei“ þegar appið bað um leyfi fyrir myndavél.
Lausn:

1. Farið í „Settings“ á spjaldtölvunni (gráa tannhjólið).
2. Skrollið langt niður vinstra megin þar til þið finnið Safe Exam Browser (SEB) og smellið á það.
3. Finnið „Camera“ í listanum hægra megin og kveikið á takkanum (hann á að vera grænn).

4. Opnið SEB appið aftur.

Chromebook: „Apps“ hnappur sést ekki

Ástæða:
Tölvan hefur ekki uppfært stefnur (policies) eða er í röngu kerfi.
Lausn:
1. Endurræsið tölvuna - ekki bara skella lokinu.
2. Ef hnappurinn kemur enn ekki er tölvan ekki tilbúin. 

Ekki reyna viðgerð, skiptið strax um tölvu.

Nemandi kemst ekki inn

Lausn:

1. Athugið hvort CapsLock sé á.

2. Ef notaður er PC/Mac: Hreinsið vafrakökur (cookies).

3. Kennari getur endurstillt lykilorð nemanda í Matsferli.

Tölva frýs/hvítur skjár

Lausn:

1. Reynið að endurhlaða síðuna (Refresh/F5) ef hægt er.

2. Ef tölvan er alveg frosin: Haldið kveikja/slökkva takkanum inni í 10 sekúndur til að slökkva (hard reset), kveikið aftur og skráið nemanda inn. Kerfið vistar jafnóðum svo engin svör ættu að hafa tapast.

Próf opnast ekki/röng síða

Ástæða:
Nemandi er að reyna að opna prófið í venjulegum vafra (Chrome/Edge) eða SEB vantar stillingar.
Lausn:Tryggið að nemandi noti Apps (Chromebook) eða smelli á sebs:// hlekkinn (PC), ekki bara opna forritið tómt.

Ekki hægt að skila prófi

1. Reynið að smella aftur á „Ljúka prófi“.

2. Ef hnappurinn virkar alls ekki: Takið mynd af skjánum til staðfestingar áður en forritinu er lokað. Sendið staðfestingu og útskýringu á hjalp@midstodmenntunar.is.

Komast út úr SEB (neyðarútgangur)

Ef prófi er lokið, tölva biluð eða nemandi hættir: Smellið á kveikja/slökkva hnappinn í horninu (eða „Quit“). Lykilorðið er 1234