Anna Jóna og Valgerður heiðraðar á degi íslensks táknmáls
Dagur íslensks táknmáls var haldinn hátíðlegur þann 11. febrúar síðastliðinn en Samskiptamiðstöð heyrnarlausra og heyrnarskertra (SHH) skipulagði hátíðardagskrá í Listasafni Reykjavíkur í tilefni dagsins. Hátíðin var haldin í samstarfi við Málnefnd um íslenskt táknmál og Menningar- og viðskiptaráðuneyti. Menningar- og viðskiptaráðherra afhenti heiðursviðurkenningar ásamt frumflutningi táknmálssöngs og myndbands frá táknmálsbörnum.