Við leitum að rekstrarstjóra upplýsingatækni

Um 50 manns starfa hjá Þjóðskjalasafni. Um þessar mundir standa yfir miklar breytingar í starfseminni og því um spennandi tækifæri að ræða fyrir kraftmikinn aðila.

Starfshlutfall er 100% og umsóknarfrestur er til og með 20. október 2025.

Rekstrarstjóri upplýsingatækni er hluti af öflugu teymi á skrifstofu rekstrar. Undir skrifstofuna falla fjármál, mannauðsmál, gæðamál, upplýsingatækni, upplýsingaöryggi, skjalamál, húsnæðismál og öryggismál.

Helstu verkefni og ábyrgð

• Rekstur á miðlurum og gagnagrunnum (kerfisstjórn)

• Rekstur útstöðva og annars notendabúnaðar

• Rekstur hugbúnaðarkerfa í samstarfi við fageiningar og birgja

• Eftirfylgni með uppfærslum á stýrikerfi og hugbúnaði frá þriðja aðila

• Uppsetning á vélbúnaði og hugbúnaði

• Tæknilegur stuðningur, notendaþjónusta og fræðsla fyrir starfsfólk

• Samskipti við birgja í upplýsingatækni

• Verkefnastýring verkefna í upplýsingatækni

• Vinna við stöðugar úrbætur á sviði upplýsingaöryggis

Frekari upplýsingar um starfið, hæfniskröfur og umsókn má finna á Starfatorgi ríkisins.