Við leitum að forverði

Þjóðskjalasafn Íslands auglýsir laust til umsóknar starf forvarðar. Um er að ræða spennandi starf fyrir metnaðarfullan sérfræðing á sviði varðveislu hjá stofnun sem er leiðandi á sviði opinberrar skjalavörslu og skjalastjórnar. Starfshlutfall er 50%. Þjóðskjalasafn Íslands gegnir hlutverki framkvæmdaaðila opinberrar skjalavörslu og skjalastjórnar og er opinbert skjalasafn. Nú standa yfir mestu breytingar í starfsemi Þjóðskjalasafns um langt skeið, þar sem áhersla er lögð á stafræna umbreytingu, örugga varðveislu, gott aðgengi og sjálfbærni.

Helstu verkefni og ábyrgð

• Styrkjandi forvarsla

• Fyrirbyggjandi forvarsla, ástandskannanir, mótun, innleiðing og skipulagning í varðveislurýmum

• Ráðgjöf og fræðsla til starfsfólks um varðveislu og fyrirbyggjandi forvörslu

• Þátttaka í mótun innanhússferla, verklags og stefnu í varðveislumálum Þjóðskjalasafns

• Þátttaka í uppsetningu sýninga, innan safns og utan

Hæfniskröfur

• Háskólagráða í forvörslu skilyrði, framhaldsmenntun í faginu kostur

• Markverð reynsla af forvörslu er nauðsynleg

• Reynsla af sambærilegu starfi hjá skjalasöfnum eða öðrum varðveislustofnunum æskileg

• Góð kunnátta í íslensku og ensku í ræðu og riti er áskilin

• Góð almenn tölvukunnátta

• Færni í mannlegum samskiptum, sjálfstæði og nákvæmni í vinnubrögðum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Mat á hæfni umsækjenda byggist á innsendum gögnum og viðtölum við umsækjendur. Æskilegt er að viðkomandi geti hafið störf í september eða eftir samkomulagi. Tekið er mið af jafnréttisstefnu Þjóðskjalasafns við ráðningu í starfið. Öllum umsóknum verður svarað þegar ákvörðun um ráðningu liggur fyrir.Nánari upplýsingar um starfsemina má finna á vef Þjóðskjalasafns

Starfshlutfall er 50%

Umsóknarfrestur er til og með 08.07.2024

Nánari upplýsingar veitir

Ólöf Jóna Tryggvadóttir, olof.j.tryggvadottir@skjalasafn.is Sími: 590 3300

Karen Þóra Sigurkarlsdóttir, karen@skjalasafn.is Sími: 590 3300

Sækja um starf