Verum klár þegar sólin skín og notum sólarvörn

Húð barna er miklu viðkvæmari en húð fullorðinna. Því er það sérstaklega mikilvægt að vernda húð þeirra og koma í veg fyrir að þau brenni í sólinni.

Ef farið er út í sólina um miðjan dag er besta vörnin föt og hattur, jafnt fyrir börn og fullorðna, en sólaráburð má bera á þau svæði sem eru ber.

Að njóta sólar og útiveru þarf ekki að vera mikil áhætta ef við fylgjum nokkrum einföldum ráðum og notum heilbrigða skynsemi til að forðast það að brenna í sólinni.

Í skjalinu Verum klár í sólinni eru nokkrar ábendingar um hvernig við getum varist hættulegum geislum sólarinnar á suðrænum slóðum en gleymum ekki að sökum þess hve tært andrúmsloftið er á Íslandi getur útfjólublá geislun frá sólinni valdið sólbruna á skömmum tíma.

Sveinbjörn Kristjánsson, verkefnisstjóri