Vaxandi áhugi á Nordplus-samstarfi

Áhugi á Nordplus-áætluninni hefur farið vaxandi frá heimsfaraldrinum og sýnir það að menntasamfélagið á Norðurlöndum og í Eystrasaltslöndunum hefur mikinn áhuga á ferðalögum, samstarfi og að afla sér þekkingar og reynslu frá nágrannalöndum sínum.

Fyrir umsóknarfrestinn 2. febrúar 2026 bárust alls 635 umsóknir til Nordplus-áætlunarinnar þar sem sótt var um styrki að heildarupphæð 31.543.977 evra.

Nær öll þátttökulönd eiga fulltrúa í umsóknunum og endurspeglar þátttakan að mestu leyti hlutfallslega stærð íbúa hvers lands. Eistland, Lettland og Litháen taka sameiginlega þátt í samræmi við íbúafjölda Eystrasaltslandanna. Hins vegar er þátttaka Íslands, Álandseyja, Grænlands og Færeyja meiri en búast mætti við miðað við smæð samfélaganna.

segir Eydís Inga Valsdóttir, verkefnastjóri Nordplus á Íslandi.

Hlutfall umsækjenda og styrkþega eftir löndum er svipað árið 2026 og það var árið 2025.

Samþykktar umsóknir og styrkir Nordplus 2026

Nordplus er menntaáætlun Norrænu ráðherranefndarinnar og styður við samstarf, tengslamyndun, þróunarverkefnum og miðlun þekkingar á Norðurlöndum og í Eystrasalöndunum. Áætlunin veitir kennurum, nemendum og þátttakendum á öllum skólastigum – frá leikskóla til háskóla og fullorðinsfræðslu – styrki til náms- og starfsþróunar sem stuðla meðal annars að því að miðla reynslu, tungumálakunnáttu og menningarskilningi.