Úthlutun úr Starfslaunasjóði sjálfstætt starfandi fræðimanna

Veittir voru styrkir til 15 sjálfstætt starfandi fræðimanna til metnaðarfullra verkefna sem spanna vítt svið. Starfslaun sjóðsins í ár eru 580.000 kr. á mánuði (um verktakagreiðslur er að ræða). Veittar voru rúmar 45 milljónir líkt og síðastliðið ár, samsvarar það 78 mánuðum með tilliti til hækkunar á mánaðargreiðslu milli ára sem nemur 20.000 krónum.

Alls bárust 50 gildar umsóknir í sjóðinn og hlutfall styrktra verkefna því 30%. Sótt var um starfslaun til 408 mánaða eða rúmar 236 milljóna kr. Þurfti stjórn því að hafna mörgum styrkhæfum verkefnum.

Starfslaunasjóður sjálfstætt starfandi fræðimanna, sem heyrir undir menningar-, nýsköpunar- og háskólaráðuneyti, hefur það meginhlutverk að launa starfsemi þeirra fræðimanna sem starfa sjálfstætt í sinni fræðigrein. Rétt til að sækja um starfslaun úr sjóðnum hafa höfundar fræðirita, handbóka, orðabóka og viðamikils upplýsingaefnis á íslensku í ýmsu formi. Styrkflokkar eru fjórir; starfslaun til þriggja, sex, níu eða tólf mánaða.

Upplýsingar eru birtar með fyrirvara um innsláttarvillur.