22. apríl 2026

Úthlutun styrkja úr Innviðasjóði árið 2026

Stjórn Innviðasjóðs hefur samþykkt tillögu fagráðs um úthlutun ársins 2026 til tíu verkefna en heildarupphæð styrkja nemur tæplega 423 milljónum króna.

Alls bárust Innviðasjóði 24 umsóknir og þar af voru 22 gildar umsóknir sem voru metnar af fagráði. Af þeim voru tíu þeirra styrktar eða um 45% umsókna. Heildarkostnaður innviða sem sótt var um og metinn af fagráði er 1.522.194.675 kr. Sótt var um 73,3% af þeim kostnaði til sjóðsins, eða 1.117.491.912 kr., en 422.714.036 kr. voru veittar eða 38% umbeðinnar upphæðar.

Hlutverk Innviðasjóðs er að byggja upp rannsóknarinnviði á Íslandi. Markmiðið með sjóðnum er að efla innlendar vísindarannsóknir með því að skapa nýja möguleika til rannsókna með fjármögnun tækjabúnaðar/aðstöðu sem ekki er aðgengileg nú þegar. Innviðasjóður heyrir undir menningar-, nýsköpunar- og háskólaráðuneytið.

Innviðir á vegvísi

Alls bárust átta umsóknir um styrki til vegvísa og voru átta styrktar. Heildarkostnaður Innviða á vegvísi var 1.252.636.766 kr. og sótt var um til sjóðsins 922.880.343 kr. en 399.854.342 kr. voru veittar eða 43,3% af umbeðinni upphæð. Hlutfall vegvísastyrkja af úthlutun Innviðasjóðs er 94,6% af úthlutaðri upphæð.

Tækjakaupastyrkir

Alls bárust átta umsóknir um styrki til tækjakaupa og var ein umsókn styrkt. Heildarkostnaður umsókna var 123.155.335 kr. og sótt var um til sjóðsins 90.552.928 kr. en 10.168.451 kr. voru veittar eða 11,3% af umbeðinni upphæð. Hlutfall tækjakaupastyrkja af úthlutun Innviðasjóðs er 2,4% af úthlutaðri upphæð.

Uppbyggingarstyrkir

Alls bárust fjórar umsóknir um uppbyggingarstyrki og var ein umsókn styrkt. Heildarkostnaður umsókna var 131.519.090 kr. og sótt var um til sjóðsins 92.896.028 kr. en 12.691.243 kr. voru veittar eða 13,6% af umbeðinni upphæð. Hlutfall tækjakaupastyrkja af úthlutun Innviðasjóðs er 3,0% af úthlutaðri upphæð.

Uppfærslu-/viðhaldsstyrkir

Alls barst ein umsókn um uppfærslu- og viðhaldsstyrk. Heildarkostnaður umsóknar var 27.773.442 kr og sótt var til sjóðsins 20.830.081 kr. Ekki var veittur styrkur úr þessum flokki.

Aðgengisstyrkir

Alls barst ein umsókn um aðgengisstyrk. Heildarkostnaður umsóknar var 4.031.700 kr. og sótt var til sjóðsins 3.023.775 kr. Ekki var veittur styrkur úr þessum flokki.

Listi yfir úthlutun úr Innviðasjóði 2026*

Nánari greining á umsóknum og styrkjum verður birt á vefsíðu Innviðasjóðs á næstunni.

Innviðir á vegvísi

Stofnun	Forsvarsmaður	Heiti	Veitt í kr.
Háskóli Íslands	Guðmundur H Kjærnested	IREI –Empowering Science with Secure Infrastructure	64.227.201
Háskóli Íslands - Hugvísindasvið	Ólöf Garðarsdóttir	Miðstöð stafrænna hugvísinda og lista	45.053.030
Háskóli Íslands - Verkfræði- og náttúruvísindasvið	Unnar Bjarni Arnalds	Efnisvísinda- og efnisverkfræðisetur	28.229.312
Háskóli Íslands - Heilbrigðisvísindasvið	Erna Magnúsdóttir	SAMSNIÐ – From molecules to precision medicine	59.798.090
Háskóli Íslands - Heilbrigðisvísindasvið	Óttar Rolfsson	Efnagreining 2025 - frá samsætum til sameinda (EFNGREIN)	80.033.464
Háskóli Íslands - Félagsvísindasvið	Sigrún Ólafsdóttir	Samfélagsgrunnar: Rannsóknainnviðir til öflugra samfélags	50.119.598
Stofnun Rannsóknasetra Háskóla Íslands	Guðbjörg Ásta Ólafsdóttir	Marine Open Observation Network (MOON)	34.987.514
Veðurstofa Íslands	Ríkey Júlíusdóttir	EPOS Ísland	37.406.133

Tækjakaupastyrkir

Stofnun	Forsvarsmaður	Heiti	Veitt í kr.
Háskólinn í Reykjavík	Ármann Gylfason	Particle image velocimetry system for a multi-purpose wind-tunnel facility	10.168.451

Uppbyggingarstyrkir

Stofnun	Forsvarsmaður	Heiti	Veitt í kr.
Háskóli Íslands	Jón Emil Guðmundsson	Sérhannaður kælibúnaður fyrir geimvísindi	12.691.243

*Birt með fyrirvara um innsláttarvillur.