Tímabundin lokun skurðstofu Umdæmissjúkrahúss Austurlands í Neskaupstað

Vegna nauðsynlegra endurbóta og viðhalds á húsnæði verður skurðstofan við Umdæmissjúkrahús Austurlands í Neskaupstað lokuð á tímabilinu 8. júlí 2026 til 14. ágúst 2026. Framkvæmdirnar eru hluti af skipulögðum endurbótum á húsnæði sjúkrahússins sem unnið hefur verið að síðustu ár.

Á meðan á lokun stendur verður ekki hægt að bjóða upp á skurðaðgerðir eða fæðingaþjónustu við Umdæmissjúkrahús Austurlands í Neskaupstað.

Skurð- og svæfingarlæknar HSA munu þó áfram geta veitt aðstoð við einfaldari inngrip í slævingu ef þörf krefur.

Ljósmæður HSA verða áfram á vakt á tímabilinu og staðsettar ýmist á Egilsstöðum eða í Fjarðabyggð, eftir þörfum þjónustunnar.

Neyðarþjónusta verður tryggð allan tímann. Fyrirfram skipulögðum aðgerðum og flestum bráðaerindum sem krefjast skurðstofu eða svæfingaþjónustu verður vísað til Sjúkrahússins á Akureyri eða Landspítala eftir eðli máls og klínísku mati.

HSA biðst velvirðingar á þeim óþægindum sem þessi tímabundna lokun kann að valda og þakkar íbúum Austurlands fyrir sýndan skilning á meðan unnið er að nauðsynlegum endurbótum sem munu bæta aðstöðuna og styðja við þjónustuna til framtíðar.