Tilkynning frá rannsóknardeild lögreglunnar í Reykjavík.

Lögreglan í Reykjavík vinnur að rannsókn máls sem tilkynnt var um kl. 02.51 sl. nótt á veitingastað í Mosfellsbæ.

Karlmaður fæddur 1949 varð þar fyrir höfuðhöggi og hné niður meðvitundarlaus, hann var fluttur á gjörgæsludeild Landsspítalans í Fossvogi og var þar úrskurðaður látinn af völdum höfuðáverka á þriðja tímanum í dag.

Maður fæddur 1979 sem talin er hafa veitt manninum höfuðhöggið var handtekinn á staðnum, hann hefur verið yfirheyrður og hefur skýrt frá að hafa lent í átökum við mann í anddyri veitingastaðarins en rannsókn er á frumstigi.

Sá handtekni mun verða færður fyrir Héraðsdóm Reykjavíkur í kvöld þar sem gerð verður krafa um að hann sæti gæsluvarðhaldi í þágu rannsóknar málsins.