Tennis í nýju ljósi

Hvernig er þessi öðruvísi tennis spilaður?

Um er að ræða tennis sem er aðlagað fyrir blinda og sjónskerta og keppt er í á alþjóðavettvangi. Völlurinn er minni, netið lægra og boltinn má skoppa oftar en í hefðbundnu tennis.

Boltinn gefur frá sér hljóð sem gerir leikmönnum kleift að staðsetja hann, fylgjast með ferð hans og bregðast við í tíma.

Þetta er skemmtileg leið til að prófa kunnuglega íþrótt með allt öðrum forsendum. Hvernig er að mæta boltanum án þess að sjá hann? Hversu mikið getur maður lesið úr hljóði, hreyfingu og tímasetningu? Og hversu fljótt lærir maður að treysta á önnur skynfæri?

Komdu og prófaðu, taktu nokkrar lotur á vellinum og upplifðu tennis í nýju ljósi.

Engin reynsla er nauðsynleg. Bara mæta, prófa og hafa gaman.

Tímar:

Þriðjudag 13. október

10:30–11:30

11:30–12:30

12:30–13:30

Miðvikudag 14. október

08:30–09:30

12:30–13:30

Fimmtudag 15. október

10:30–11:30

12:30–13:30

Föstudag 16. október

09:30–10:30

Skráðu þig í tíma

Hægt er að skrá sig í klukkutíma í senn hjá Sjónstöðinni.

Sjónverndarvika

Sjónverndarvika er tækifæri til að vekja athygli á sjón, sjónskerðingu, aðgengi og þátttöku. Með viðburðum sem þessum viljum við skapa vettvang þar sem fólk getur prófað ólíkar leiðir til að leysa verkefni, kynnst íþróttum blindra og sjónskertra og fengið nýja sýn á það hvernig skynfæri, aðlögun og aðgengi geta opnað möguleika til þátttöku.

Sjónstöðin – Blindrafélagið – Tennishöllin