Rúmlega 500 hringdu í Upplýsingasímann

Alls bárust 502 símtöl í Upplýsingasíma lögreglunnar (fíkniefnasímann) árið 2012.

Símtölum hefur farið fjölgandi á síðustu árum.

Í langflestum tilfellum eru þeir sem hringja að koma á framfæri upplýsingum um fíkniefnaafbrot eða grunsemdum um slíkt athæfi.

Upplýsingar sem fást með þessu móti eru lögreglunni afar gagnlegar og koma iðulega að notum í rannsóknum mála.

Númer Upplýsingasímans er 8005005. Síminn er vaktaður allan sólarhringinn sem tryggir að upplýsingarnar berast fljótt og vel til viðkomandi lögregluembætta.

Athygli er vakin á því að Upplýsingasíminn er ekki eingöngu ætlaður fyrir upplýsingar um fíkniefnaafbrot.