Ölvunar- og fíkniefnaakstur

Kona um fertugt var tekin fyrir ölvunarakstur í Garðbæ í gærkvöld og um sama leyti var hálfþrítugur karl stöðvaður við akstur í Breiðholti en sá var undir áhrifum fíkniefna en í bíl hans fundust einnig ætluð fíkniefni. Í nótt var karl um fertugt stöðvaður við akstur í sama hverfi en maðurinn var sömuleiðis í annarlegu ástandi. Karl á svipuðu reki var líka tekinn undir stýri í Bústaðahverfi í nótt en maðurinn var undir áhrifum lyfja. Þá voru tveir karlar á fertugsaldri stöðvaðir í umferðinni í miðborginni í gær en báðir höfðu þegar verið sviptir ökuleyfi. Og í nótt stöðvaði lögreglan einnig bíl í miðborginni en ökumaður hans reyndist vera 16 ára piltur en sá hefur að sjálfsögðu aldrei öðlast ökuréttindi.