Ölvunar- og fíkniefnaakstur

Átján ökumenn voru teknir fyrir ölvunar- og fíkniefnaakstur á höfuðborgarsvæðinu um helgina. Þrettán þeirra voru stöðvaðir í Reykjavík, fjórir í Hafnarfirði og einn í Kópavogi. Einn var tekinn á föstudagskvöld, níu á laugardag, sjö á sunnudag og einn aðfaranótt mánudags. Þetta voru þrettán karlar á aldrinum 23-58 ára og fimm konur, 17-54 ára. Sex þessara ökumanna höfðu þegar verið sviptir ökuleyfi.