Ný greiðslugátt

Í fyrstu verður nýja greiðslugáttin tengd umsóknakerfi Ísland.is, umsóknakerfi Hugverkastofu og rauða hliði Skattsins. Greiðslugáttin sækir heimildabeiðnir vegna greiðslukorta til færsluhirðis og tengist tekjubókhaldskerfi ríkisins (TBR-kerfinu) í rauntíma til að útbúa reikninga og bóka greiðslur þeirra.

Í framhaldinu er stefnt að því að greiðslugáttin bjóði upp á fleiri greiðslumáta, svo sem kröfur og millifærslur af bankareikningi viðskiptavina beint inn á reikning ríkisins með svokallaðri A2A-lausn. Einnig er ætlunin að innleiða greiðslugáttina undir „Fjármál“ á Ísland.is, þar sem notendur geta greitt ýmsa reikninga með einföldum og öruggum hætti.