Myndasamkeppni

Lögreglan í Reykjavík vill þakka þeim fjölmörgu börnum sem tóku þátt í myndasamkeppni barna í tilefni lögregludagsins. Yfir 800 myndir bárust í keppnina, margar mjög skemmtilegar og kunnum við börnunum bestu þakkir fyrir. Farið verður yfir myndirnar og valdar úr 100 myndir sem settar verða upp á sýningu á Hlemmtorgi og í anddyri lögreglustöðvarinnar við Hverfisgötu seinni partinn í maí.

Um svipað leyti munum við velja þær myndir sem hljóta verðlaun í hverjum árgangi fyrir sig og verður haft samband við viðkomandi listamenn. Hér er að sjá tvö sýnishorn af þeim myndum sem hafa borist.