Munir í óskilum

Lögreglan á höfuðborgarsvæðinu leitar eigenda tveggja muna, sem komu í hennar vörslu fyrir helgina. Um er að ræða silfurhring (kvenmanns), sem fannst á bifreiðastæði við söluturn í Starengi í Grafarvogi, og seðlaveski sem fannst við Höfðabakka 1.

Eigendur munanna geta vitjað þeirra á lögreglustöðinni á Vínlandsleið 2-4, Reykjavík, á skrifstofutíma. Krafist verður staðfestingar á eignarhaldi.