Millifærslur nýr greiðslumáti á Ísland.is

Þegar valið er að greiða með millifærslu skráir þú inn bankareikninginn sem þú vilt nota. Greiðslubeiðni berst þá í bankaappið þitt í gegnum kerfi samstarfsaðila okkar, Blikk. Þar staðfestir þú greiðsluna og upphæðin færist strax af reikningnum þínum og umsóknin fer beint í afgreiðslu.

Hvaða bankar bjóða millifærslu?

Þú getur greitt með millifærslu af reikningum hjá Landsbankanum, Íslandsbanka, Arion banka og Kviku/Aur. Fleiri bankar munu bætast við á næstunni.

Hvar getur þú notað nýju greiðsluleiðina?

Millifærsla er í boði fyrir fjölda umsókna, meðal annars:

• sakavottorð

• vegabréf

• ökuskírteini

• eigendaskipti

• ýmsar leyfisveitingar

Næstu skref

Áfram verður unnið að því að bjóða upp á fjölbreyttar greiðsluleiðir við enn fleiri aðgerðir, til dæmis við greiðslu annarra opinberra gjalda á Mínum síðum á Ísland.is.