Mannslát í Hafnarfirði

Kona um sextugt fannst látin í heimahúsi í Hafnarfirði í nótt, en tilkynning um málið barst lögreglu um hálftvöleytið. Hún hélt þegar á vettvang, en konan var látin þegar að var komið. Tveir karlar, annar um þrítugt og hinn á sextugsaldri, voru sömuleiðis á heimilinu og voru þeir báðir handteknir í þágu rannsóknarinnar. Rannsókn málsins er á frumstigi, en hún beinist m.a. að því hvort mennirnir hafi átt þátt í andláti konunnar.

Ekki er hægt að veita frekari upplýsingar um málið að svo stöddu.