Mannauðsstjóri óskast

Land og skógur leitar að öflugu starfsfólki til að vinna að uppbyggingu og vernd gróðurauðlinda á Íslandi með landgræðslu, nýskógrækt og friðun skóga til að efla hagrænan, umhverfislegan og samfélagslegan ávinning af sjálfbærri landnýtingu. Leitað er að mannauðsstjóra. Starfið er óstaðbundið.

Helstu verkefni og ábyrgð

• Stefnumótun í mannauðsmálum og eftirfylgni, greiningar og mannauðs- mælikvarðar, stjórn mannauðsteymis Lands og skógar.

• Mat á mannaflaþörf, umsjón með ráðningum, móttöku og þjálfun nýliða, starfslýsingum, tilfærslum í starfi og starfslokum.

• Ferlar mannauðsmála, þróun, eftirfylgni og umbætur, uppfærsla starfsmannahandbókar, umsjón með starfsmannasamtölum.

• Þátttaka í stefnumótun Lands og skógar og seta í framkvæmdaráði.

• Stjórnendaráðgjöf – stuðningur við stjórnendur.

• Starfsþróun og fræðsla, öryggis- og vinnuverndarmál starfsfólks, þátttaka í viðburðastjórnun og önnur tilfallandi verkefni.

Hæfniskröfur

• Háskólamenntun eða starfsreynsla á sviði mannauðsstjórnunar eða önnur menntun eða starfsreynsla sem nýtist við mannauðsstjórnun.

• Útsjónarsemi, greiningarhæfni og skipulagsfærni.

• Jákvæðni og framúrskarandi hæfni í mannlegum samskiptum.

• Sjálfstæð og vönduð vinnubrögð.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Þetta er fullt starf sem hentar öllum kynjum. Starfið er óstaðbundið.

Sótt er um starfið á Starfatorgi. Umsóknarfrestur er til 11. nóvember 2024.

Nánari upplýsingar um starfið veitir Ágúst Sigurðsson: agust.sigurdsson@landogskogur.is

SÆKJA UM