Lokin brotamál á síðasta fiskveiðiári 2022/2023

Tegundir brota voru margs konar og má þar helst nefna:

• brottkast

• vanskil aflaupplýsinga

• veiðar án leyfis

• vigtarbrot

Skiptust málslok með eftirfarandi hætti:

• 29 með ákvörðun um sviptingu veiðileyfis.

• 26 með áminningu.

• 5 voru kærð til lögreglu og eru tvö þeirra enn til vinnslu.

• 6 með leiðbeiningu en auk þeirra voru mun fleiri leiðbeiningar veittar vegna vanskila á aflaupplýsingum sem ekki eru talin með í þessari samantekt.

• 4 mál voru felld niður, eitt vegna vélarbilunar og annað á grundvelli neyðarréttar.

Á liðnu fiskveiðiári birti Fiskistofa allar ákvarðanir um sviptingu veiðileyfa og afturköllun vigtunarleyfa á grundvelli lagaskyldu sem lögfest var í júlí í fyrra í lögum um Fiskistofu. Birting ákvarðanna er ætlað að auka trúverðugleika og traust um starfsemi Fiskistofu og auka gagnsæi í störfum stofnunarinnar sem og varnaðaráhrif eftirlits Fiskistofu. Birting viðurlagaákvarðanna er ennfremur ætlað að auka fyrirsjáanleika fyrir þá sem starfa í greininni og stuðla að bættri umgengni um auðlindina.