Lionsklúbbur Akraness færir gjafir

Um er að ræða fjórar gjafir:

• Sciller hjartalínuritstæki til notkunar í hjartaáreynsluprófum á göngudeild.

• Siemens blóðrannsóknatæki fyrir fæðingadeildina.

• Mach 130 F færanlegt vinnuljós fyrir slysadeildina.

• Áhöld til aðgerða á blöðruhálskirtli fyrir skurðstofuna.

Guðjón Viðar Guðjónsson formaður klúbbsins og Þórir Bergmundsson fulltrúi áhaldakaupasjóðs afhentu forstjóra og framkvæmdastjóra hjúkrunar á HVE gjafabréfið.

Lionsklúbburinn sem fagnar 70 ára afmæli á þessu ári hefur til margra áratuga verið öflugasti bakhjarl nærsamfélagsins á Akranesi á tækjakaupum fyrir sjúkrahúsið og stutt við fjölmarga þjónustuþætti með góðum tækjabúnaði.

Stofnin færir Lionsklúbbnum innilega þakkir fyrir þessar veglegu gjafir.