Kannabisræktun í Laugardal

Lögreglan á höfuðborgarsvæðinu stöðvaði kannabisræktun í húsi í Laugardalshverfinu síðdegis í gær. Við húsleit á áðurnefndum stað fundust 15 kannabisplöntur. Í framhaldinu var framkvæmd húsleit á öðrum stað á höfuðborgarsvæðinu og þar fundust ætluð fíkniefni. Karl á fertugsaldri var handtekinn í þágu rannsóknar málsins.

Fyrrnefnd aðgerð er liður í að hamla gegn sölu og dreifingu fíkniefna en sem fyrr minnir lögreglan á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.