Ísland.is styður nú Apple Pay

Greiðslumátinn bætist þannig við þá sem fyrir eru og einfaldar fólki að ljúka greiðslum með nokkrum smellum.

Um 150.000 greiðslur fara í gegnum Ísland.is á ári hverju, til dæmis vegna vegabréfa, vottorða og ökuskírteina. Það er því mikill tímasparnaður fólginn í einfaldri nýrri virkni.

Apple Pay er í boði fyrir öll Apple-tæki. Það eina sem þarf að gera er að skrá greiðslukort í Apple Pay.

Markmið Ísland.is er að einstaklingar og fyrirtæki geti greitt ríkinu með sem fjölbreyttustum hætti og mun Google Wallet bætast við síðar á árinu svo Android-notendur geti notið sömu þæginda. Þá er einnig væntanleg tenging við nýja íslenska greiðslulausn, Blikk.