Hollenskir gestir á SHH

22. apríl sl. komu 6 Hollendingar frá Kentalis College Utrecht í heimsókn til okkar á SHH. Þau vinna með döff og heyrnarskertum börnum og ungmennum á aldrinum 6-18 ára. Þau voru hingað komin til að afla sér upplýsinga um þá þjónustu sem börn fá á Íslandi og heimsóttu fjölmargar stofnanir af því tilefni. Hér á SHH tóku þær Árný Guðmundsdóttir og Eyrún Helga Aradóttir á móti hópnum, kynntu þá þjónustu sem í boði er á stofnuninni með áherslu á börn og táknmálsumhverfi. Þau voru afskaplega hrifin af Táknmálseyjunni og þeirri hugmyndafræði sem unnið er með í tengslum við það verkefni.