Heilsugæsla höfuðborgarsvæðisins á Ísland.is

Vefurinn er þjónustugátt fyrir fjölbreytta heilbrigðisþjónustu. HH er rekur heilsugæslustöðvar og ýmsa aðra starfsemi sem þjónar íbúum höfuðborgarsvæðisins en rekur einnig fjölmargar starfseiningar sem sinna þjónustu við íbúa á landinu öllu.

Á nýjum vef HH má meðal annars finna:

• Upplýsingar um 15 heilsugæslustöðvar sem HH rekur í öllum sveitarfélögum á höfuðborgarsvæðinu, staðsetningu þeirra og þá þjónustu sem er í boði.

• Yfirlit yfir fjölbreytt námskeið sem í boði eru fyrir almenning, til dæmis tengt barneignum og uppeldi, kvíða og þunglyndi, streitu og fjölmörgu öðru.

• Upplýsingar um þjónustu á sviði geðheilsu, þar á meðal upplýsingar um Geðheilsumiðstöð barna og önnur geðheilsuteymi.

• Yfirlit yfir sérhæfða starfsemi sem HH rekur, svo sem Upplýsingamiðstöð, Heimahjúkrun, Heilsubrú og Samhæfingarstöð krabbameinsskimana.

Fyrir eru vefir Landspítala, Sjúkrahússins á Akureyri, embættis landlæknis og Sjúkratrygginga innan Ísland.is ásamt vefjum sex heilbrigðisstofnana á landsbyggðinni og vef Blóðbankans. Unnið er að því að auka upplýsingagjöf um heilsutengd málefni á Ísland.is og Mínum síðum.