Hávaði í heimahúsum

Nokkrar kvartanir bárust lögreglu vegna hávaða í heimahúsum á höfuðborgarsvæðinu á öðrum og þriðja tímanum í nótt. Í nær öllum tilvikum var um að ræða of hátt stillta tónlist sem fór eðlilega fyrir brjóstið á nágrönnum. Annars var nóttin fremur róleg í umdæminu en þó voru þrír ökumenn stöðvaðir á höfuðborgarsvæðinu. Tveir þeirra voru í annarlegu ástandi og sá þriðji hafði þegar verið sviptur ökuleyfi.