Gjöf til SHH - verk eftir Júlíus Birgi Jóhannsson

Þann 11. nóvember fékk Samskiptamiðstöð heimsókn frá Júlíusi Birgi Jóhannssyni. Tilefnið var afhending listaverksins Hendur, sem var unnið af Júlíusi í samvinnu við Marel ehf. og Mótefni ehf. Verkið er samsett úr 36 afsteypum af höndum Júlíusar sem sýna íslenska fingrastafrófið. Marel ehf. sá um framleiðslu á stöndunum og Mótefni ehf. styrkti verkefnið með þátttöku í kostnaði efnanna.

Hugmyndin að verkinu spratt upp þegar Júlíus tók eftir því á táknmálsnámskeiði á SHH að aðrir nemendur áttu erfitt með að átta sig á myndun fingrastafanna út frá tvívíðum myndum. Markmið hans var því að búa til verk sem gæti einnig nýst sem kennslutæki fyrir þá sem eru að læra táknmál. Standarnir eru mattir, en Júlíus tekur fram að: „glansandi hlutir geta truflað þá sem eru með sjónskerðingar.“ Hver standur er merktur með viðeigandi staf á íslensku ritmáli og punktaletri, sem gerir verkið að mjög aðgengilegu kennslutæki. Allar hendurnar eru í mismunandi lit en hugsunin á bak við það var sú að börn ættu mögulega auðveldara með að tengja hvern staf við ákveðinn lit.

Hægt er að nálgast myndband með táknmálsþýðingu