Gæsluvarðhald framlengt um 2 vikur.

Lögreglustjórinn á Suðurlandi gerði í dag kröfu fyrir héraðsdómi Suðurlands um áframhaldandi fjögurra vikna gæsluvarðhald yfir manni sem handtekinn var þann 27. apríl s.l. vegna gruns um manndráp. Krafan er lögð fram á grundvelli brýnna rannsóknarhagsmuna en endanleg niðurstaða krufningar liggur ekki fyrir.

Héraðsdómari kvað upp úrskurð sinn nú kl. 15:00 og féllst á kröfu lögreglustjóra en stytti í tvær vikur í stað fjögurra.

Rannsókn málsins hefur verið mjög umfangsmikil, bæði hvað varðar gagnaöflun og eins úrvinnslu gagna. Að henni lokinni verður það sent héraðssaksóknara til meðferðar.